Шүүгч Ж.Эрдэнэчимэг Монгол Улсын гавьяат хуульч боллоо

Шүүгч Ж.Эрдэнэчимэг Монгол Улсын гавьяат хуульч боллоо

Монгол Улсын Ерөнхийлөгчийн 2022 оны 06 дугаар сарын 30-ны өдрийн 05 дугаар зарлигаар “Монгол Улсын гавьяат хуульч цол”-оор Нийслэлийн Эрүүгийн хэргийн давж заалдах шатны шүүхийн шүүгч Жанчивсүрэнгийн Эрдэнэчимэгийг шагналаа.

Шүүгч Ж.Эрдэнэчимэг нь хуулийн байгууллагад 34 жил, шүүгчээр 15 жил ажиллахдаа 2013-2017 онд Шүүхийн ерөнхий зөвлөлийн гишүүнээр ажиллаж, шүүхийн багц хуулиудыг хэрэгжүүлэх, шүүхийг олон нийтэд нээлттэй байлгах, иргэдэд үзүүлэх шүүхийн үйлчилгээг шинэ түвшинд гаргах, шүүхийн шинэчлэлийг гүнзгийрүүлэх, шинэ залуу хуульчдыг бэлтгэхэд идэвх, зүтгэл үр бүтээлтэй ажилласан шүүгчдийн нэг юм.