Хятадын сөнөөгч онгоцууд Тайваний хоолойг гаталж байна гэж мэдээллээ

2022-08-02 23:03

Нэнси Пелоси онгоцноос гарч иржээ

АНУ-ын Төлөөлөгчдийн танхимын тэргүүн Нэнси Пелоси онгоцноосоо гарч ирсэн байна. Түүнийг онгоцны шатаар бууж, цөөн тооны төлөөлөгчид угтаж байгаа нь харагдсан байна. 

Эх сурвалж: BBC

2022-08-02 22:52

Нэнси Пелосиг тээвэрлэж яваа онгоц Тайваньд газарджээ

АНУ-ын Төлөөлөгчдийн танхимын тэргүүн Нэнси Пелосиг тээвэрлэж яваа онгоц Тайваньд газарджээ. Тэрээр сүүлийн 25 жилийн дараа тус аралд айлчилсан АНУ-ын хамгийн өндөр албан тушаалын улстөрч болж байна.  Түүнийг Тайваний нисэх онгоцны цөөн тооны төлөөлөгчид угтан авч байгаа нь харагдсан байна.

Эх сурвалж: BBC

Гэрэл зургийн эх сурвалж: BBC

2022-08-02 22:46

Хятадын сөнөөгч онгоцууд Тайваний хоолойг гаталж байна гэж мэдээллээ

Хятадын тийрэлтэт онгоцууд Тайваний хоолойг гаталж байна гэж БНХАУ-ын төрийн хэвлэлүүд мэдээлжээ. Тэдгээрт Cy-35 сөнөөгч онгоцууд байгаа гэсэн мэдээлэл байна. Бээжин Нэнси Пелосигийн Тайваньд хийх айлчлалд хариу өгөх болно гэж анхааруулж байсан билээ. 

Эх сурвалж: BBC

Су 35 сөнөөгч онгоц

2022-08-02 22:34

Тайванийн гудамжинд зарим хүмүүс Нэнси Пелосигийн аялалыг эсэргүүцэж жагсаж байгаа аж

Тайваньд хүн бүр Нэнси Пелосигийн аялалд сэтгэл хангалуун байхгүй байгаа аж. Тодруулбал, жагсагчид Тайваний нийслэл Тайбэй хотод бага хэмжээний эсэргүүцлийн жагсаал зохион байгуулж, АНУ-ын Төлөөлөгчдийн танхимын даргыг "зовлон үүсгэгч”, “муухай америк хүн" гэсэн лоозон барин, Тайваний ерөнхийлөгчийг "урвагч" хэмээн шүүмжилсэн байгаа аж.

Эх сурвалж: BBC

2022-08-02 22:26

Пелосид зориулж тэнгэр баганадсан 101 давхар “Тайбэй” байшинг гэрэлтүүлжээ

Тайваний арлын хамгийн өндөр барилга болох 101 давхар “Тайбэй” дээр АНУ-ын Төлөөлөгчдийн танхимын дарга Нэнси Пелосид зориулж “Пелоси Тайваньд тавтай морил” гэсэн мэндчилгээ дэвшүүлж, гэрэлтүүлжээ.

Эх сурвалж: BBC

2022-08-02 22:05

Нэнси Пелоси онгоц Тайваний агаарын бүсэд нэвтэрчээ

АНУ-ын Төлөөлөгчдийн танхимын тэргүүн Нэнси Пелоси Азийн орнуудад хийж байгаа айлчлалынхаа явцад Тайваний аралд өнөөдөр /2022.08.02/ ирж байна.  Түүний онгоц Тайваний агаарын бүсэд орж ирсэн талаар зарим эх сурвалжууд мэдээлж байна. Мөн түүний онгоцыг сөнөөгч 16 онгоц хамгаалж яваа талаар мэдээлжээ. Харин БНХАУ-ын тал түүний айлчлалыг эсэргүүцэж “Хятадын бүрэн эрхт аюулгүй байдлын ашиг сонирхолд халдсаны төлөөсийг төлөх болно” гэж мэдэгдээд байна.

 

2022-08-02 20:14

"АНУ-ын тал хариуцлагыг үүрч, Хятадын бүрэн эрхт байдалд халдсаны төлөөсийг төлөх болно” гэж БНХАУ-ын тал мэдэгджээ

АНУ-ын Төлөөлөгчдийн танхимын дарга Нэнси Пелоси өнөөдөр /2022.08.02/ орой Тайваний арал дээр ирэх төлөвтэй байна. Цагаан ордон дэмжээгүй түүний айлчлал нь сүүлийн хэдэн арван жилийн хугацаанд АНУ-ын өндөр албан тушаалтны Тайваньд хийж байгаа анхны айлчлал юм.

Харин БНХАУ энэххү айлчлалын эсрэг удаа дараа анхааруулж, АНУ “төлөөсийг нь төлнө" гэж мэдэгдлээ. Тодруулбал, Хятадын Гадаад хэргийн яамны хэвлэлийн төлөөлөгч Хуа Чуньин хэлэхдээ, “Хятад улс энэ айлчлалын талаар АНУ-тай харилцаж байсан. АНУ-ын тал хариуцлагыг үүрч, Хятадын бүрэн эрхт аюулгүй байдлын ашиг сонирхолд халдсаны төлөөсийг төлөх болно” гэж мэдэгдлээ. 

Өнөөдөр /2022.08.02/ Хятад улс байлдааны онгоцуудаа Хятадын эх газар болон Тайванийг холбосон голын шугам руу илгээсэн байна. Мөн Хятадын зүүн бүсийн командлал "ямар ч болзошгүй байдалд бүрэн бэлэн байна" гэсэн видео бичлэгийг онлайнаар нийтэлжээ. Харин Тайванийн Батлан ​​хамгаалах яам арлын ойролцоох цэргийн үйл ажиллагаа бэлэн байдалд орсон бөгөөд Хятадын аливаа заналхийллийн эсрэг өөрийгөө хамгаалахаар шийдсэн гэж мэдэгдээд байна. 

Эх сурвалж: BBC




Улаанбаатарт 22 градус дулаан байна

4 цагийн өмнө

Шуурхай мэдээ
Өнөөдөр могой өдөр

4 цагийн өмнө