БШУЯ-ны харьяа Монгол-Оросын хамтарсан 3-р сургуулийн захирал Ж.Соронзонгийн авлига, албан тушаалын гэмт хэргийг АТГ шалгаж дуусчээ.
Ж.Соронзон нь албан тушаалын эрх мэдлээ урвуулан ашиглаж, өөрийнхөө төрсөн дүү Ж.Содбилэгттэй түрээсийн гэрээ байгуулах замаар сургуулийнхаа данснаас 5.8 тэрбум төгрөгийг шилжүүлсэн асуудлыг АТГ-ынхан шалгаж дуусаад яллах дүгнэлт үйлдүүлэх саналаа өнгөрсөн мягмар гарагт Нийслэлийн прокурорын газарт хүргүүлсэн байна.
Нийслэлийн прокурорын газраас Ж.Соронзонг яллагдагчаар татах тогтоол үйлдсэн даруйд Ж.Соронзонг одоо эрхэлж буй албан тушаалаас нь шууд түдгэлзүүлэх бөгөөд хойшлуулашгүйгээр дайчлан баривчлах, хилийн хориг тавих зэрэг хуулийн нөхцөл боломж бүрдэх юм.
Ж.Соронзон нь АТГ-т шалгагдаж байх хугацаандаа өөрийн төрсөн дүү Ж.Содбилэгтийн ЭРХГА ХХК руу 220 сая төгрөгийн шилжүүлсэн тул тжс компанийн дансыг битүүмжлээд байгаа юм байна.
Нууц.мн сайтын НУУЦ МАТЕРИАЛУУД эрэн сурвалжлах нэвтрүүлгийн баг ПАРАЗИТ нэртэй нэвтрүүлгийг хийсний дараа АТГ-аас Ж.Соронзонд эрүүгийн хэрэг нээсэн бөгөөд зургаан сарын турш шалгасны эцэст ийнхүү яллагдагчаар татах саналаа Нийслэлийн прокурорт хүргүүллээ.
Ж.Соронзонгийн авлига албан тушаалын гэмт хэргийг илчилснийхээ дараа тус сайтын хамт түүний гэр бүлийнхний үйлдсэн ял шийтгэлгүй аллагуудыг илчилсэн байдаг.
