2022-12-15 16:33
Өнөөдөр /2022.12.15/ Ерөнхийлөгч асан Х.Баттулга АТГ-т очиж, “Нүүрсний” гэх хэргийн талаар тайлбар мэдүүлэг өгсөн байна.
Тэрээр АТГ-т 11:30 цагийн орчимд очсон бөгөөд тус газарт 4 цаг гаруйн хугацааг өнгөрүүлээд гарч явсан байна. Товчхондоо, тэрээр 4 цагийн хугацаанд "Нүүрсний" гэх хэргийн талаар тайлбар мэдүүлэг өгсөн байж болзошгүй байна. Харин түүнийг цагдан хорих саналыг мөрдөгчийн зүгээс одоогоор гаргаагүй байгаа бөгөөд тэрээр АТГ-аас саяхан гарч явжээ.
2022-12-15 15:59
“Нүүрсний” гэх хэрэгт холбогдсон 17 албан тушаалтны нэг нь Ерөнхийлөгч асан Х.Баттулга гэж АТГ-аас мэдээлсэн.
Иймд Х.Баттулга өнөөдөр /2022.12.15/ 11:30 цагийн орчимд АТГ-т мэдүүлэг өгөхөөр ирсэн юм. Тэрээр энэ үеэрээ хэвлэлд ямар нэгэн тайлбар хэлэлгүйгээр хамгаалагчдын хамтаар АТГ-ын байр руу орсон. Тэгвэл Х.Баттулгаас авч буй байцаалт 4 цагийн турш үргэлжилсэн хэвээр байгаа аж. Харин түүнийг гарч АТГ-аас гарч ирээд тайлбар мэдүүлэг өгнө гэсэн хэвлэл мэдээллийн байгууллагын төлөөлөл тус газарт хүлээсэн хэвээр байна.
