Үндэсний аюулгүй байдлын зөвлөл, Шадар сайдын ажлын алба, Онцгой байдлын ерөнхий газар, Нийслэлийн Засаг даргын тамгын газар хамтран энэ сарын 7-9 /2023.06.07-09/-нд стратегийн команд штабын сургуулийг зохион байгуулна.
команд штабын сургуулийн хүрээнд улс даяар маргааш /2023.06.08/ 16.00 цагт зарлан мэдээллийн дохиогоор иргэд нүүн шилжих дадлага сургуулийг зохион байгуулахаар болжээ. Энэ талаар ОБЕГ-аас мэдээлэл хийж, "Улаанбаатар хотын хэмжээнд 192 цэг талбайг бэлтгэсэн. Энэ цэгт орон гэрээсээ, байгаа газраасаа аюулгүй газарт шилжин очих дадлага сургуулийг хийнэ" гэж мэдэгдлээ.
