Хөдөлмөрийн баатар, ардын уран зохиолч Б.Лхагвасүрэн агсны зохиол "Тамгагүй төр" жүжиг “Херо энтертайнмент”-ын ерөнхий найруулагч Б.Баатарын найруулгаар Лондон хотын “West End” театрын тайзнаа “Монгол хаан” /Mongol khan/ нэрээр 2023 оны арваннэгдүгээр сарын 17-ноос арванхоёрдугаар сарын 2-ны өдрүүдэд Английн үзэгчдэд толилуулах гэж буй.
Харин өдгөө жүжгийн бэлтгэл ажил Лондон хотод аль хэдийн эхэлсэн ба тус хотын гудамж, талбайд “Монгол хаан” жүжгийн зурагт хуудаснууд байршиж, тасалбар нь ч худалдаанд гараад байгаа юм.
Тэгвэл Лондон хотноо тоглогдох “Монгол хаан” жүжгийн лууг урласан дэлхийн шилдэг хүүхэлдэй урлаачдын нэг Ник Барнс “Broadway” театрын тэргүүн дээд шагнал болох “Tony Awards”-ийн “Шилдэг хүүхэлдэй урлаач”-ийн төрөлд нэр дэвшиж, өчигдөр /2023.06.13/ шилдгээр шалгарч тэргүүн байрыг эзэлсэн байна. Холбоотой мэдээллийг ЭНД ДАРЖ үзнэ үү.
Сонирхуулахад, хүүхэлдэй урлаач Ник Барнс өмнө нь “Tony Awards”-ийн шилдгээр хоёр удаа хүртэж байсан бол “Монгол хаан” жүжгийн лууг урлаач Ник Барнс “Tony Awards”-ийг гурав дахь удаагаа хүртсэн байна. Харин түүний урласан лууг "Тамгагүй төр" жүжиг “Монгол хаан” нэртэйгээр Лондон хотын “West End” театрт тоглогдоход жүжигчин Ш.Энхжаргал хөдөлгөх ажээ.