"Монголд аялахаар ирсэн гадаадын жуулчинг "Хаан бууз"-ны салбар дотор сууж байхад нь дээрэмдэх гэсэн" гэх мэдээлэл олон нийтийн сүлжээнд гарсан.
Бид энэ талаар Цагдаагийн байгууллагаас тодруулахад, "Япон Улсын иргэн С /30 нас, эр/ нь 2023.07.14-21-ний хооронд Монгол Улсад аялахаар ирэхдээ Сүхбаатар дүүргийн 4 дүгээр хороо ... байрны ... дугаар тоотод оршин суух Ж-нд 7 хонохоор тохирсон. Ж нь Япон улсад сурч байсан япон хэлтэй. 2022 оны 12 сард Вьетнам Улсад аялж байх явцдаа тэд танилцсан.
С нь 2023.07.18-ны өдөр манай гэрт байхдаа архи ууж согтоод найз эмэгтэй Д-г оролдохоор нь би уурлаад яв гээд явуулсан.
Тэгээд тохирсон ёсоороо гэрийнхээ мөнгийг аваагүй байсан тул утсаар нь залгахад "Хаан бууз"-нд байна гэхээр нь хойноос нь очоод гэрийн төлбөрийн мөнгө 400 мянган төгрөг авсан гэж сая мэдүүлэг өгсөн байна" гэх мэдээллийг өглөө.
