Монголын зах зээл дэх тансаг зэрэглэлийн бүтээгдэхүүнүүд Азийн зах зээлд харьцангуй хямд үнэтэй тул БНХАУ-ын худалдан авагчид дээрх саруудад борлуулалтын 40 орчим хувийг бүрдүүлдэг талаар “Damiani” брэндээс мэдээлж байв.
Хэдийгээр тансаг зэрэглэлийн брэндүүд бүх улс оронд ижил үнийн босго тогтоодог ч татварын нөхцөлтэй холбоотойгоор үнэ харилцан адилгүй тогтдог талаар онцолж байлаа. Тансаг зэрэглэлийн бүтээгдэхүүн импортлогчид дотоодод нийт 15 хувийн гаалийн татвар төлж, НӨАТ-аас 10 хувийн буцаалт авдаг талаар “Premier Tailor” компани мөн мэдээлсэн юм. Харин БНХАУ-д үнэт эдлэлийн гаалийн татвар нь 50 хувь байдаг талаар “South China Morning” post сонин нийтлэлдээ дурджээ.
