Дэлхийн алдартай контент бүтээгч, 70 сая гаруй дагагчидтай "Nas Daily" компанийн үүсгэн байгуулагч Nuseir Yassin олон улсын контент бүтээгчдийн "Nas Summit" арга хэмжээг Монгол Улсад зохион байгуулахаар ирээд байгаа билээ.
Тэгвэл өнөөдөр /2023.08.16/ Nuseir Yassin болон түүний багийнхан Булган аймгаар зочилж, малчин айлд зочлон Монголчуудын үндэсний томоохон өв соёл тэр тусмаа Булган аймгийнхны хамгийн том бахархал болсон адуу, айрагны соёл, нүүдэлчин Монголчуудын аж амьдрал, ахуй соёл, ёс заншилтай танилцаж тус аймгийн төв музейг үзэж сонирхсон байна.
