Орос улс 1976 оноос хойш анх удаа сар руу гариг хоорондын "Луна-25" станцыг Москвагийн цагаар энэ сарын 11 /2023.08.11/-ний шөнө Амар мужийн Восточный сансрын буудлаас хөөргөсөн байна. "Луна-25" станц нь төлөвлөгөөний дагуу энэ сарын 21-24-ний хооронд саран дээр газардаж, нэг жилийн хугацаанд сарны өмнөд туйлд судалгаа хийх байжээ.
"Луна-25" станц саяхан сарны гадаргуугийн анхны зураг болох өмнөд туйлын Зееман тогооны зургийг илгээсэн байна. Гэрэл зургаас харвал тогоог тойрсон босоо амны өндөр нь харьцангуй тэгш ёроолын гадаргуугаас дээш 8 километрт хүрч байжээ. Гэтэл өнөөдөр /2023.08.20/ Москвагийн цагаар 14:57 цагийн орчимд "Луна-25" станц дэлхийтэй холбоо тасарсан байна. Үүнийг урьдчилсан байдлаар, "станц тойргоос гадуур замд шилжиж, сартай мөргөлдсөн" гэж үзэж байгаа ажээ.
Сонирхуулахад, 1976 онд хөөргөсөн Зөвлөлтийн автомат Луна-24 станц сарнаас 170 грамм хөрсийг дэлхийд хүргэсэн бөгөөд эрдэмтэд үүнийг ус агуулсан байж магадгүй гэж таамаглахад хүргэсэн гэдэг. Харин "Луна-25" станцын нислэгийг 2015 оноос хойш хэд, хэдэн удаа хойшлуулж байжээ.
