Энэ сарын 11 /2023.08.11/-ны өдөр саран дээр буулгахаар хөөргөсөн ОХУ-ын "Луна-25" станц өчигдөр /2023.08.20/ Москвагийн цагаар 14:57 цагийн орчимд дэлхийтэй холбоотой тасарсан байдаг. Энэхүү явдлыг урьдчилсан байдлаар, ""Луна-25 станц тойрог замаас гарч, сартай мөргөлдсөн" гэж үзсэн билээ.
Тэгвэл олон нийтийн сүлжээнд Оросын "Луна-25" станц саран дээр унасан гэх зураг нийтлэгдсэн байна. Ямартай ч "Луна-25" станц нь саяхан сарны гадаргуугийн анхны зураг болох өмнөд туйлын Зееман тогооны зургийг илгээгээд байсан юм. Мөн тус станц нь энэ сарын 21-24-ний хооронд саран дээр газардаж, нэг жилийн хугацаанд сарны өмнөд туйлд судалгаа хийх зорилготой байсан юм.
