Энэ сарын 28 /2023.08.28/-ны өдрөөс эхлэн ирэх есдүгээр сарын 15 /2023.09.15/-ны өдрийг хүртэл тээврийн хэрэгслийн тэгш, сондгой дугаараар замын хөдөлгөөнд оролцуулахаар Улаанбаатар хотын удирдлагууд төлөвлөөд байгаа. Тодруулбал, жолооч нар Улаанбаатар хотод нэг өдөр өнжөөд авто замын хөдөлгөөнд оролцоно гэсэн үг. Харин энэхүү шийдвэр хараахан албажаагүй байгаа юм. Тэгвэл Улаанбаатар хотын удирдлагууд сургууль, цэцэрлэг эхлэх эд ачааллын үеэр автозамын түгжрэлийг хэрхэн шийдэх талаар өнөөдөр /2023.08.22/ 13:00 цагт мэдээлэл хийхээр болжээ.
