“Солонгосын соёлын өдрүүд-2023” арга хэмжээ наймдугаар сарын 25-27-ны өдрүүдэд Сүхбаатарын талбайд болж буй.
Өдөрлөгт өмнөд Солонгос улсын үндэсний соёл уламжлалыг илтгэх олон талт үйл ажиллагаа зохион байгуулагдаж байна. Тухайлбал солонгосын уламжлалт халуун ногоотой хоолны амталгаат худалдаа, үндэсний хувцас, эдлэл хэрэглэлийн үзэсгэлэн, эмнэлгийн зөвлөгөө үйлчилгээ, гоо сайхны бүтээгдэхүүний худалдаа болж байгаа бөгөөд их сургуулиудын талаарх зөвлөгөө мэдээллийг үнэ төлбөргүй өгч байна.
Соёлын өдрүүд өнөөдөр /2023.08.26/ Солонгос дуунд дурлагсдын дунд “OPEN MIC” болон танин мэдэхүйн АХА тэмцээн болно. Мөн "Megamax" K pop хамтлагийн тоглолт орой 18:30 минутаас эхлэх юм.
