Булган аймаг, Орхон сум. Бөхт багийн “Хөх шовх" гэх газарт Орхон аймгийн Баян-Өндөр сумын харьяат нэг гэр бүлийн 7 хүн жимс түүж явснаас 08.30-ны өдрийн 11:00 цагийн орчим бага насны 3 хүүхэд нь сураггүй болсон тухай дуудлагыг өчигдөр /2023.08.31/ 17:33 цагт Онцгой байдлын газарт ирүүлсэн байна.
Тус аймгийн Онцгой байдлын газрын Эрэн хайх, аврах салбар, Цагдаагийн газрын алба хаагчид, хоёр эрэлч нохойтой, сумын мэргэжлийн ангийнхны хамтаар Ж /11 настай, эмэгтэй/, Г/9 настай, эмэгтэй/, Т/5 настай, эрэгтэй/ нарыг эрэн хайх ажиллагааг зохион байгуулж мөн өдрийн 19:26 цагт алга болсон газраас 12 км зайтай “Хөх шовх” уулнаас эсэн мэнд олж, ар гэрийнхэнд нь хүлээлгэн өгчээ.
