ХААН Банкнаас орон даяар зарласан “Go Travel” картын урамшуулалт аяны сүүлийн тохирлын таван эзнийг наймдугаар сарын 29-ний мягмар гарагт ХААН Банкны албан ёсны фэйсбүүк хуудсаар шууд дамжуулан тодруулсан билээ.
Тус аян 2023 оны 6-р сарын 20-ноос 8-р сарын 20-ны өдрийг дуустал хоёр сарын хугацаатай үргэлжилсэн бөгөөд харилцагчид ХААН Банкны бүх төрлийн картаа ХААН Банкны ПОС төхөөрөмжид уншуулаад 300,000 төгрөг хүрэх тутамд нэг тохирлын эрх авч энэхүү урамшуулалд оролцож буй.
Аяны хүрээнд хоёр сарын хугацаанд нийт 10 харилцагчийг үзэсгэлэнт Вьетнам руу аялах эрхийн эзэн болгохоор зарласнаас сүүлчийн 5 харилцагчийг ийнхүү тодруулаад байна. Өнөөдөр тэдгээр харилцагчид хүрэлцэн ирж, батламжаа гардан авав. Энэхүү үйл явцыг шударга, ил тод, олон нийтэд шууд дамжуулан үзүүлэх үйл ажиллагаанд ХААН Банкны Мэдээллийн технологийн газрын аудитор болон “Онч аудит” ХХК-ийн аудитор байлцаж хөндлөнгөөс хяналт тавьж ажилласан юм.
Байгалийн үзэсгэлэнт, түүх соёл хосолсон Вьетнам улсаар аялж, мартагдашгүй дурсамж бүтээхээр болсон эрхэм харилцагчдадаа баяр хүргэе. Урамшууллын эздийн нэрстэй ЭНД дарж танилцана уу.
