Монгол Улсын аялал жуулчлалын томоохон үйл ажиллагаануудын нэг болох "Бүргэдийн баяр"-ыг Баян-Өлгий аймагт ирэх амралтын өдрүүд зохион байгуулна.
Энэ жилийн хувьд тус баяр нь хоёр өөр байршилд нэгэн зэрэг болох бөгөөд Монголын бүргэдчдийн холбоо, аймгийн ЗДТГ, Байгаль орчин аялал жуулчлалын газар зэрэг байгууллага Бугат сумын Өнчин толгойд, Казах шувуулахуйн холбооноос Буянт сумын нутаг болох Шар нуурын Хойлог толгой газарт нэгэн зэрэг зохион байгуулна.
Дээрх үйл ажиллагаануудад гадаадаас мянга гаруй жуулчин ирж сонирхох тооцоо гарсан гэдгийг зохион байгуулагчид онцолжээ.
Жуулчдын ихэнх нь онгоцоор ирж байгаа бөгөөд өнөөдөр /2023.09.29/ Өлгий нисэх буудалд "Хүннү Эйр" компанийн Embraer - E190 онгоц дөрвөн удаа, "Аэро Монголиа" компанийн Embraer ERJ-145, МИАТ компанийн Bombardier CRJ200 агаарын хөлөг тус бүр нэг удаа нислэг үйлдэх аж.
