Улаанбаатарт хотод газны байж болзошгүй үнэр тархсан хэвээр байна. Үүнтэй холбоотойгоор зарим аж ахуйн нэгж, сургууль цэцэрлэгийн үйл ажиллагаа түр зогсоод байгаа юм.
ВИДЕО:
Энэ талаар албаныхан "Улаанбаатарт дэгдээд буй үнэр нь ажилласан тос масло бохирын шугамд нийлүүлснээс үүссэн байж болзошгүй" талаар мэдээлсэн. Харин бидэнд олдсон мэдээллээр тухайн үнэр нь "Тавантолгой түлш"-ийн шахмал түлшнээс болсон байж болзошгүй нөхцөл байдал тогтоогдсон бөгөөд үүнийг албаныхан нууцалж байна гэж буй. Тиймээс бид нөхцөл байдлыг тодруулахаар "Тавантолгой түлш" ХК-ийн төв байр дээр очлоо. Тухайн үед мэдээлэл өгөх хүн байгаагүй юм. Тиймээс бид тухайн компанийн хэвлэлийн ажилтантай холбогдож энэ талаар тодруулахад "Тавантолгой түлш"-ийн шахмал түлшний орц, найрлаганд ямар нэгэн өөрчлөлт ороогүй. Тиймээс нийслэлд дэгдээд байгаа үнэр нь түлшнээс болох учиргүй. Албаныхан шалгалтын ажиллагаа явуулж байгаа талаарх мэдээллийг аваагүй байна" гэлээ.
Харин УИХ-ын дэд дарга С.Одонтуяа "Нийслэлд үнэртээд буй үнэр нь түлштэй холбоотой байж болзошгүй. Үүнийг нууцалж байна" гэдгийг мэдэгдсэн байна. Ямартай ч Улаанбаатарт үнэртэж, олон хүний эрүүл мэнд, амь насанд эрсдэл учруулж болзошгүй асуудлыг мэргэжлийн байгууллагаас шалгах, үнэн зөв дүгнэлт гаргах ёстойг иргэд хэлж байгаа юм.