Тиймээс тус компанийг Эрүүгийн хуулийн 20.11 дүгээр зүйлд заасан "Аюултай хог хаягдлыг зориулалтын бус газарт хаях" заалтаар шалгаж байгаа юм.
20.11 дүгээр зүйл. Аюултай хог хаягдал, химийн хорт, аюултай бодисыг хаях
1.Хүний эрүүл мэндэд хортойгоор нөлөөлөх аюултай хог хаягдал, химийн хорт, аюултай бодисыг зориулалтын бус газар хаясан; хог хаягдлын зэрэглэлийг санаатайгаар буруу тогтоож зориулалтын бус газар хаясан, устгасан, улсын хилээр нэвтрүүлсэн бол таван мянга дөрвөн зуун нэгжээс хорин долоон мянган нэгжтэй тэнцэх хэмжээний төгрөгөөр торгох, эсхүл нэг жилээс таван жил хүртэл хугацаагаар зорчих эрхийг хязгаарлах, эсхүл нэг жилээс таван жил хүртэл хугацаагаар хорих ял шийтгэнэ гэж заажээ.
Тэгвэл шалгалтын ажиллагааны талаар ЦЕГ-аас тодруулахад "Баянзүрх дүүргийн цагдаагийн газрын гуравдугаар хэлтсээс шалгалтын ажиллагааг үргэлжлүүлж байна. Тухайн асуудалд шинжилгээний дүгнэлт гаргуулахаар ШШЕГ-т хандсан байгаа. Химийн шинжилгээний дүгнэлт гарна. Химийн шинжилгээ ойролцоогоор ажлын 10 хоног, тухайн шинжилгээний төрлөөс хамаардаг" гэлээ.
