"Өвөрмонголчуудад нөлөөлнө" хэмээж БНХАУ-ын эрх баригчдын Хятадад гаргахыг хориглосон "Тамгагүй төр" монгол драм "The Mongol Khan" нэртэйгээр Английн Лондон хотын “West End”-ын “Колизей” театрт нээлтээ хийгээд ердөө дөрөв хонож байгаа ч барууны томоохон хэвлэлүүд төдийгүй урлаг судлаачдын анхааралд ороод байна.
Мөн Английн "Театрын 7 хоног" бүр гаргадаг үнэлгээгээр "The Mongol Khan" монгол драмыг "Лондонд үүнтэй харьцуулах бүтээл үнэндээ алга. Нүд хужирласан гайхамшигтай бүтээл юм" хэмээж 4,5-5 оноо өгч үнэлсэн байна. Тухайлбал, The Spy in the Stalls, Beyond the Curtain, Box Office Radio зэрэг Лондон хотын театр, агентлагууд "The Mongol khan" жүжигт 5 оноо өгчээ.
Тодруулбал;
- The Spy in the Stalls 5 *
- Beyond the Curtain 5 *
- Box Office Radio 5 *
- Fairy Powered Productions 5 *
- The Quinntessential Review 4.5 ****
- The Guardian 4 ****
- Theatre Weekly 4 ****
- Broadway World 4 ****
- London Box Office 4 ****
Мөн Английн "Театрын 7 хоног"-т "бүх талаараа үнэхээр гайхалтай, Монгол хаан нь биднийг гэгээрүүлсэн театрын адал явдал байлаа. Найруулагч Баатар Монголын үлгэр домог, түүхийг тайзнаа сэтгэл хөдөлгөмөөр амьдрууллаа" хэмээ онцолжээ.