Сэлэнгэ аймаг, Баянгол сумын “Баянцогт” гэдэг газарт том оврын автомашин шатаж байна гэсэн дуудлагыг нэгдүгээр сарын 10-ны өдрийн 23:11 цагт аймгийн онцгой байдлын утсанд ирүүлжээ. Тус аймгийн Онцгой байдлын газрын Баянгол сум дахь Гал түймэр унтраах, аврах 40 дүгээр ангийн алба хаагчдыг очиход иргэн Т-ын “ND-4254” загварын зүтгүүрийн хойд дугуй шатаж байсныг унтраажээ. Ойрын өдрүүдэд автомашин шатах нь ихэссэн тул ард иргэд та бүхнийг сонор сэрэмжтэй байж автомашиныхаа бүрэн бүтэн байдлыг шалгаж байхыг албаны хүмүүс зөвлөлөө.
