Баянхонгор аймгийн, Өлзийт сум Байн-Ам багийн “Байн хөндий” гэдэг газар хоёр суудлын автомашин мөргөлдөж автомашины төмөр эд ангид дөрвөн хүн хавчуулагдан нас барж, хоёр хүн (1 нь хүүхэд) эсэн мэнд гарсан тухай дуудлагыг 01.30-ны өдрийн 18:45 цагт хүлээн авчээ.
Дуудлагын дагуу алба хаагчдыг очиход Улаанбаатар хотоос Баянхонгор аймгийн чиглэлд хоёр зорчигчтой зорчиж явсан иргэн Б-ийн “Приус- 11” загварын суудлын автомашин, Говь-Алтай аймгаас Улаанбаатар хотын чиглэлд дөрвөн зорчигчтой зорчиж явсан иргэн Г-ын “Пробокс” загварын суудлын автомашинтай мөргөлджээ.
Улмаар Пробокс” загварын суудлын автомашины жолооч Г /56 настай, эрэгтэй/, С/16 настай, эрэгтэй/ нар гэмтсэн байсан тул Нэгдсэн эмнэлэгт хүргэж өгчээ. Мөн автомашинд зорчиж явсан иргэн А/47 настай, эрэгтэй/, иргэн У /34 настай, эрэгтэй/, Приус-11 загварын автомашинд зорчиж явсан иргэн Б/58 настай, эрэгтэй/, Д /60 настай, эмэгтэй/ нар нас барсан байсан тул 22:14 цагт цогцсыг гаргаж Цагдаагийн байгууллагад шилжүүлэн өгчээ. Иймд иргэд та бүхэн авто замын хөдөлгөөнд оролцохдоо анхаарал болгоомжтой байхыг анхааруулж тус мэдээллийг нийтэллээв
