Английн баруун өмнөд хэсэгт ажиллаж байсан эрдэмтэд дэлхий дээрээс илэрч байсан хамгийн эртний чулуужсан ойг судалгаагаар олж тогтоожээ.
390 сая жилийн настай эдгээр олдсон олдворууд нь хамгийн эртний олдворт тооцогдож байгаа талаар Кембрижийн их сургуулийн пүрэв гарагт нийтэлсэн хэвлэлийн мэдээнд дурджээ. Олдворуудыг Майнхед хотын ойролцоох Бристол сувгийн өмнөд хэсэгт, амралтын цэцэрлэгт хүрээлэнгийн ойролцоох өндөр элсэн чулуун хаднаас олсон байна. Энэхүү каламофитон гэгддэг моднууд нь далдуу модтой нэлээд төстэй боловч нимгэн, хөндий их биетэй бөгөөд ямар ч навчгүй байсан ч мөчир шиг бүтэцтэй байсан гэж Кембрижийн их сургуулийн Дэлхийн шинжлэх ухааны тэнхимийн багш Нейл Дэвис Пүрэв гарагт CNN-д ярьсан юм. Уг ой мод нь 419 саяас 358 сая жилийн өмнөх Девоны эрин үе буюу амьдрал хуурай газар руу шилжиж байх үеийнх аж.
