Баянгол дүүргийн тавдугаар хорооны нутаг дэвсгэрт байрлах “Улаанцав” нэртэй зочид буудалд гадаадын иргэд мөрийтэй тоглоом зохион байгуулсан байж болзошгүй гэмт хэргийн шинжтэй үйлдлийг цагдаагийн байгууллагаас энэ оны нэгдүгээр сарын 24-ний өдөр илрүүлсэн байдаг.
Тэгвэл тус хэргийг шалгаж дуусаад хэргийг прокурорт шилжүүлсэн байна. Тодруулбал, Баянгол дүүргийн тавдугаар хорооны нутаг дэвсгэрт байрлах зочид буудалд 2024 оны нэгдүгээр сарын 24-ний өдөр Бүгд Найрамдах Хятад Ард Улсын иргэн M.Z мөрийтэй тоглоом зохион байгуулсан үйлдэлд мөрдөн шалгах ажиллагаа явуулж, Эрүүгийн хуулийн 20.17 дугаар зүйлийн 2 дахь хэсэгт зааснаар эрүүгийн хэрэг үүсгэж, яллагдагчаар татан, хэргийг шүүхэд шилжүүлэх саналтай прокурорын байгууллагад шилжүүлсэн байна.
