Эверестийн 8000 метрийн өндөрт гараад сураггүй алга болоод буй "Монголын хоёр уулчныг эрэн хайх багийн шэрпа нар тус уул руу өгсөж, үүрээр зүүн оргилд хүрэх төлөвлөгөөтэй байна" гэж өчигдөр /2024.05.15/ орой Монголын Уулчдын үндэсний холбооноос мэдээлсэн.
Тэгвэл "Everest Today" твиттер хуудаст, "Сураггүй алга болсон Монголын уулчдыг эрэн хайх ажиллагааг цаг агаарын таагүй байдлын улмаас зогсоолоо. Одоогоор ул мөр олдоогүй байна. Дөрвөн шерпа эрэн хайх, аврах ажиллагаанд үүрэг гүйцэтгэж байгаа ба тэдний хоёр нь 4 дүгээр баазад гацсан, хоёр нь 3 дугаар баазад хүрсэн" гэж манай цагаар 00:31 цагт мэдээлжээ.
Update: Search operation for missing Mongolian climbers is halted since yesterday due to bad weather. No trace so far. Four Sherpas are deployed for search and rescue mission, two are stuck at CIV, two reached CIII. Details to follow! pic.twitter.com/xFypCaIdmA
— Everest Today (@EverestToday) May 15, 2024
Харин яг одоо Эверестэд цаг агаар ямар байгаа эрлийн ажил хэвийн үргэлжилж эхэлсэн эсэх талаарх мэдээлэл шинэчлэгдээгүй, мөн Монголын Уулчдын үндэсний холбооноос ч энэ талаар албан ёсны мэдээлэл гараагүй байна.
