Тулгар төрийн 2233 жил, Их Монгол Улсын 818 жил, Үндэсний эрх чөлөө, тусгаар тогтнолоо сэргээн мандуулсны 113, Ардын хувьсгалын 103 жилийн ой, Үндэсний их баяр наадмын тасалбарыг долдугаар сарын 1-ний өдөр www.enaadam.mn худалдаалж, эхэлсэн бөгөөд 10 минутын дотор зарагдаж дууссан.
Тэгвэл Наадмын нээлтийн тасалбарыг дахин худалдаалахаар болжээ. Тодруулбал, Үндэсний их баяр наадмын нээлтийг долдугаар сарын 11-ний орой 22:00 цагаас дахин нэг тоглохоор болсон байна. Тайз, дэлгэц хослуулсан, шинэлэг тоглолтын оройн хувилбарыг анх удаа үзэх боломжийг наадамчин олондоо олгож тасалбарыг худалдахаар болсон аж.
