Жил бүр уламжлал болгон зохион байгуулагддаг “Даншиг наадам- Хүрээ цам 2024” өнөөдөр “Хүй долоон худаг”-т эхэллээ. Ес дэх жилдээ зохион байгуулагдаж байгаа энэ наадам Монголын соёл, шашны зан үйл, уламжлалт хэв шинжийг хадгалсан өвөрмөц онцлогтой төдийгүй наадмын үеэр дотоодын төдийгүй гадаадын олон, олон жуулчид зорин ирж үздэг ач холбогдолтой наадам юм.
Энэ удаагийн наадмыг уламжлал ёсоор Нийслэлийн Засаг даргын тамгын газар, Нийслэлийн аялал жуулчлалын газар, Нийслэлийн Соёл, урлагийн газар, Бурханы шашны “Гандантэгчинлэн” хийд хамтран зохион байгуулж байгаа бөгөөд Нийслэлийн 385 жилийн ой, Ламын гэгээн Лувсанданзанжанцаны түмэн өлзий гийсний мөн 385 жил тохиож байгаагаараа онцлогтой юм.
Даншиг наадам өнөөдөр цам харайх ёслолоор эхэлсэн бөгөөд их нас, жороо морьдын уралдаанаар үргэлжилнэ. Тэгвэл Х Богд Жавзандамба хутагт Батцагаан их дуганд болсон дотоод цамын хуралд морилсон байна.
🇲🇳 Богдтой Даншиг наадам болох нь ээ🌷🙏
— Kheneejingoo 👑 (@KheneeJingoo) August 2, 2024
Богд хутагт маань Даншиг наадмын дотоод цамын хуралд ийн мориллоо. #Богд#Даншиг pic.twitter.com/X04mlnJ6fh
