Жимсний талбайн хашаан дээр аянга бууж шатжээ. Тодруулбал, Увс аймаг, Улаангом сум. Хөндлөн багийн “Шар гэсэн” гэдэг газар аянга буусаны улмаас хашаа шатаж байна гэсэн дуудлагыг наймдугаар сарын 09-ний өдрийн 00:15 цагт хүлээн авсан.
Тус аймгийн Онцгой байдлын газрын Гал түймэр унтраах, аврах 41 дүгээр ангийн алба хаагчид 6 км замыг туулан 00:31 цагт очиход жимсний талбайн 50 метрийн урттай хашаа болон өвс шатаж байсныг 15 минут ажиллаж унтраасан байна.
