Ноорог.мн сайтад 2025.03.18-ны шөнө хойшлуулшгүй ажиллагаа хийж ажлын хэрэгсэл, хард, утас гэх мэт зүйлсийг хурааж 22:00 цагаас өглөөний 05:00 хүртэл мэдүүлэг авсан билээ.
Тэгвэл "Ноорог"-ийн залуус өчигдөр орой буюу 2025.04.02-нд зарим тоног төхөөрөмжөө буцаан авсан талаар цахим хуудастаа мэдээлжээ. Тэд "Саатуулагдсанаас хойш нийт 15 хоногийн дараа өөрсдийн үйл ажиллагааг явуулахад шаардлагатай зарим тоног төхөөрөмжүүдээ дөнгөж сая авлаа. Өнөөдрийг хүртэл хамтран ажиллаж байгаа өмгөөлөгч нартаа баярлалаа. Дэмжиж байгаа бүх иргэний нийгмийн байгууллагууд, хувь хүмүүстээ баярлалаа. Бид бага багаар хэвийн үйл ажиллагаандаа шилжиж эхэлж байгаа нь та бүхний дэмжлэгтэй шууд холбоотой билээ" гэжээ.
