Их Британийн ханхүү Уильямын гэргий, Уэльсийн гүнж Кэтрин хорт хавдрын эмчилгээ хийлгэснийхээ дараах анхны албан ёсны гадаад айлчлалаа хийхээр болжээ.
Тэрбээр ирэх долоо хоногт Италид хоёр өдрийн ажлын айлчлал хийх бөгөөд энэ нь сүүлийн хугацаанд хийж буй хамгийн анхаарал татсан хааны гэр бүлийн томоохон оролцооны нэг болж байна. Кенсингтоны ордноос мэдээлснээр, айлчлал нь түүний санаачлан байгуулсан “Royal Foundation Centre for Early Childhood” төвийн хүрээнд хэрэгжинэ. Гүнж Кэтрин 2021 онд уг төвийг байгуулж байсан бөгөөд хүүхдийн бага насны орчин, хүмүүжил нь ирээдүйн амьдралд хэрхэн нөлөөлдөг талаар олон нийтэд ойлголт түгээх зорилготой юм. Тэрбээр ирэх лхагва, пүрэв гарагт Италийн хойд хэсгийн Режжо Эмилия хотод ажиллаж, бага насны хүүхэд болон асран хамгаалагчдыг дэмжих чиглэлээр дэлхийд тэргүүлэх туршлагуудтай танилцах аж.
Эх сурвалж: CNN
