УИХ-ын Төсвийн байнгын хороо өнөөдөр 14:30 цагт хуралдахаар товложээ. Тус хуралдаанаар Засгийн газраас өргөн мэдүүлсэн татварын багц хуулийн төслүүд болон олон нийтийн анхаарлыг татаж буй Хувь хүний орлогын албан татварын (ХХОАТ) хэмжээг 1 хувь болгох тухай хуулийн төслийн анхны хэлэлцүүлгийг хийхээр төлөвлөсөн байна.
Тодруулбал,
- Байнгын хорооны тогтоолын төсөл / Цаглавар батлах тухай /
- Байнгын хорооны тогтоолын төсөл / Тогтоолд өөрчлөлт оруулах тухай /
- Татварын ерөнхий хуульд нэмэлт, өөрчлөлт оруулах тухай хуулийн төсөл / Засгийн газар 2026.05.07 -ны өдөр өргөн мэдүүлсэн, анхны хэлэлцүүлэг /
- Аж ахуйн нэгжийн орлогын албан татварын тухай хуульд нэмэлт, өөрчлөлт оруулах тухай хуулийн төсөл / Засгийн газар 2026.05.07 -ны өдөр өргөн мэдүүлсэн, анхны хэлэлцүүлэг /
- Хувь хүний орлогын албан татварын тухай хуульд нэмэлт, өөрчлөлт оруулах тухай хуулийн төсөл / Засгийн газар 2026.05.07 -ны өдөр өргөн мэдүүлсэн, анхны хэлэлцүүлэг /
- Нэмэгдсэн өртгийн албан татварын тухай хуульд нэмэлт, өөрчлөлт оруулах тухай хуулийн төсөл болон хамт өргөн мэдүүлсэн хуулийн төсөл / Засгийн газар 2026.05.07 -ны өдөр өргөн мэдүүлсэн, анхны хэлэлцүүлэг /
- Аж ахуйн нэгжийн орлогын албан татварын тухай хуульд нэмэлт оруулах тухай хуулийн төсөл / УИХ-ын гишүүн П.Сайнзориг нарын 2 гишүүн 2026.03.19 -ний өдөр өргөн мэдүүлсэн, анхны хэлэлцүүлэг /
- Хувь хүний орлогын албан татварын тухай хуульд өөрчлөлт оруулах тухай хуулийн төсөл / УИХ-ын гишүүн Ж.Баярмаа нарын 32 гишүүн 2026.03.30 -ны өдөр өргөн мэдүүлсэн, анхны хэлэлцүүлэг / хэлэлцэх тов гаржээ.
