Улсын Их Хурлын чуулганы нэгдсэн хуралдаан үргэлжилж байна. Хуралдааны эхэнд УИХ-ын дарга С.Бямбацогт өнөөдрийн чуулганы хуралдаанаар хэлэлцэх хууль, тогтоолын төслүүдийг танилцууллаа.
Тэрбээр өнөөдрийн чуулганы нэгдсэн хуралдаанаар хэлэлцэхээр төлөвлөж байсан хоёр хуулийн төслийг тодорхойгүй хугацаагаар хойшлуулсан талаар мэдээлэв.
Тодруулбал, Засгийн газраас өргөн мэдүүлсэн Ашигт малтмалын тухай хуульд нэмэлт, өөрчлөлт оруулах тухай хуулийн төслийг хэлэлцэх асуудлыг хойшлуулахаар болсон байна. Аж үйлдвэр, эрдэс баялгийн сайд Г.Дамдинням уг төслийг Эдийн засгийн байнгын хороогоор хэлэлцэх үеэр хойшлуулах санал гаргасан бөгөөд уг саналыг хүлээн авчээ. Мөн УИХ-ын гишүүн П.Сайнзориг нарын өргөн мэдүүлсэн Үндэсний их баяр наадмын тухай хуульд нэмэлт, өөрчлөлт оруулах тухай хуулийн төсөл болон хамт өргөн мэдүүлсэн бусад хуулийн төслүүдийг мөн тодорхойгүй хугацаагаар хойшлуулав. Уг асуудлыг Төрийн байгуулалтын байнгын хорооны хуралдаанаар хэлэлцэх үеэр төслийг хойшлуулах санал гарч, олонхын дэмжлэг авсан тул ийнхүү чуулганы хэлэлцэх асуудлаас хассан байна.
.jpg)
