Л.Месси дэлхийн цомын 18 дахь гоолоо "J" хэсэгт учраа таарсан Австрийн багтай хийсэн тоглолтын хоёрдугаар хагасын нэмэлт цагт оруулсанаар бүх цаг үеийн хамгийн шилдэг мэргэн бууч болоод байгаа билээ.
Тэрбээр мэргэн буучийн цомоо гардаж авах үеэрээ “Мэдээж маш их баяртай байна. Ялангуяа энэ ялалтын төлөө үнэхээр их баярлаж байна. Үнэнийг хэлэхэд маш хүнд тоглолт байлаа. Тоглолт өндөр хэмнэл, ширүүн өрсөлдөөнтэй болно гэдгийг бид мэдэж байсан. Тиймээс нэг ч хором анхаарлаа сулруулж болохгүй байсан юм. Өрсөлдөгч баг маш эрчимтэй тоглосон ч бид хүссэн үр дүндээ хүрч чадлаа. Энэ ялалт бидний хувьд маш чухал байсан. Ялангуяа хэсгээс шалгарах зорилгын хүрээнд зургаан оноо авах нь чухал байв. Ингэснээр дараагийн долоо хоногийг арай тайван өнгөрүүлэх боломжтой боллоо. Эцэст нь хэлэхэд бид бүгд энэ ялалтандаа үнэхээр баяртай байна” хэмээжээ.
