.jpg)
Украины Ерөнхийлөгч Владимир Зеленский Зэвсэгт хүчний ерөнхий командлагч, генерал Олександр Сырскийг үүрэгт ажлаас нь чөлөөлж, оронд нь хошууч генерал Михайло Драпатийг томиллоо. Энэ нь ОХУ-тай дайн эхэлснээс хойших Украины цэргийн удирдлагын хамгийн том өөрчлөлтүүдийн нэг гэж ажиглагчид үзэж байна.
Шинэ командлагчаар томилогдсон 43 настай Михайло Драпати өмнө нь Украины Хуурай замын цэрэг болон Нэгдсэн хүчний командлалыг удирдаж байсан бөгөөд дрон, өндөр технологид суурилсан байлдааны шинэчлэлийг дэмждэг офицер гэдгээрээ танигдсан юм.
Харин албан тушаалаасаа чөлөөлөгдсөн Олександр Сырский Киевийн хамгаалалт, Харьковын сөрөг давшилт зэрэг томоохон ажиллагааг удирдсан ч сүүлийн үед хуучинсаг командлалын арга барил, их хэмжээний хохиролтой холбоотой шүүмжлэлд өртөөд байсан бөгөөд түүнийг огцрохыг шаардсан жагсаал хэд хэдэн хотод болсон байна.
Шийдвэрээ танилцуулахдаа Ерөнхийлөгч Зеленский "Украины Зэвсэгт хүчний Ерөнхий штабын бүтцийг шинэчилж, армийн удирдлагыг орчин үеийн шаардлагад нийцүүлэн өөрчлөх шаардлагатай" хэмээн онцолжээ. Мөн тэрбээр Сырскийн Киевийг хамгаалах, Харьковын сөрөг давшилт болон Курскийн ажиллагаанд оруулсан хувь нэмрийг өндрөөр үнэлж, түүнд талархал илэрхийлсэн байна.
.jpg)
.jpg)
.jpg)
