Украины нийслэл Киев хотын ойролцоо зохион байгуулагдсан дроны технологийн үзэсгэлэн Оросын зэвсэгт хүчний баллистик пуужингийн цохилтод өртөж, урьдчилсан мэдээллээр 10 хүн амиа алдаж, 100 орчим хүн шархаджээ.
Украины Ерөнхийлөгч Владимир Зеленский халдлага батлан хамгаалах салбарын нөлөө бүхий төлөөлөгчид оролцож байсан үеэр болсон болохыг мэдэгдэж, үүнийг зориуд үйлдсэн цохилт хэмээн онцолсон байна. Украины Агаарын цэргийн хүчний хэвлэлийн төлөөлөгч Юрий Игнатын мэдээлснээр халдлагад нийт гурван баллистик пуужин ашигласан бөгөөд агаарын довтолгооноос хамгаалах хүчин зөвхөн нэгийг нь амжилттай устгажээ.
Мөн Украины зүүн хэсгийн Славянск хотод Оросын нисэх хүчний удирдлагатай бөмбөгний цохилтын улмаас таван хүн амиа алдсан талаар албаныхан мэдээлсэн байна. Үүний хариуд Украин улс ОХУ-ын Киров хотод шөнийн цохилт өгч, албан ёсны мэдээллээр зургаан хүн амиа алдаж, 26 хүн шархаджээ. Түүнчлэн Ерөнхийлөгч Владимир Зеленский Оросын зэвсэгт хүчин ойрын 48 цагийн дотор дахин томоохон пуужингийн довтолгоо хийхээр бэлтгэж байгаа тухай тагнуулын мэдээлэл хүлээн авснаа мэдэгдсэн байна.
.jpg)
