Засгийн газраас шатахууны нийлүүлэлтийг тогтворжуулах зорилгоор автомашинд шатахуун олгох түр зохицуулалтыг хэрэгжүүлж буй. Энэхүү зохицуулалтын хүрээнд улсын дугаарын сүүлийн орны тэгш, сондгойгоор шатахуун түгээх бөгөөд нэг автомашинд нэг удаад 50 мянган төгрөг хүртэлх шатахуун олгож, саванд шатахуун хийхгүй байхаар шийдвэрлэсэн юм.
Ингээд, Засгийн газраас шатахууны нийлүүлэлтийг тогтворжуулах чиглэлээр ажлуудыг эрчимжүүлж байгаа бөгөөд ОХУ-аас шатахуун тасралтгүй орж ирж байна. Тодруулбал, өнөөдөр /2026.08.11/ ОХУ-аас нийт долоон вагон буюу 420 тонн Аи-92 автобензин агуулахад буулгалаа. Үүнээс, Толгойт өртөөнд 6 вагон, Дархан өртөөнд 1 вагон шатахуун буулгажээ.
