Төсвийн болон Эдийн засгийн байнгын хорооны хамтарсан хуралдаанаар Төсвийн тогтвортой байдлын тухай хуульд нэмэлт оруулах тухай хуулийн төслийн анхны хэлэлцүүлгийг хийж, гишүүдийн олонх дэмжлээ.
Тодруулбал, өнөөдөр буюу аравдугаар сарын 27-нд болсон хамтарсан хуралдаанаар Монгол Улсын нэгдсэн төсвийн 2027 оны төсвийн хүрээний мэдэгдэл, 2028-2029 оны төсвийн төсөөллийн тухай хуульд өөрчлөлт оруулах тухай хуулийн төсөлтэй хамт өргөн мэдүүлсэн дээрх хуулийн төслийг хэлэлцсэн юм.
Монгол Улсын 2027 оны төсвийн төсөлд “Оюутолгой”-гоос орох ногдол ашгийн орлогыг нийгмийн болон суурь дэд бүтцийн асуудлыг шийдвэрлэхэд зарцуулахаар тусгасан байв. Гэвч Засгийн газар иргэдээс санал авсны дараа аравдугаар сарын 23-нд УИХ-ын чуулганы нэгдсэн хуралдаанаар уг асуудлыг буцаах шийдвэр гаргасан юм. Үүнтэй холбогдуулан Төсвийн тогтвортой байдлын тухай хуульд нэмэлт оруулах шаардлага үүссэн талаар Төсвийн ажлын хэсгийн ахлагч, УИХ дахь МАН-ын бүлгийн дарга Ж.Батжаргал танилцуулсан.
Хуулийн төсөлтэй холбогдуулан гишүүд Төсвийн тогтвортой байдлын тухай хуульд өөрчлөлт оруулах шаардлагатай эсэх талаар тодруулж, санал хэлсэн байна. Байнгын хороодын санал, дүгнэлтийг УИХ-ын чуулганы нэгдсэн хуралдаанд танилцуулахаар тогтлоо.
 (1).jpg)
.jpg)
