ТОДРУУЛГА: The HU хамтлаг тусгаарлалтаас гараад тоглолтын бэлтгэлдээ орно

ТОДРУУЛГА: The HU хамтлаг тусгаарлалтаас гараад тоглолтын бэлтгэлдээ орно

Тавдугаар сарын 3-нп Франкфуртээс ирсэн "The Hu" хамтлаг коронавирусийн халдварын нөхцөл байдалтай холбогдуулан Улсын онцгой комиссын үйл ажиллагаанд дэмжлэг үзүүлэх хандивын тоглолт хийх талаар өчигдөр мэдээлсэн.

Энэ талаар тус хамтлагийн продюсер Б.Дашдондогоос тодруулахад " Одоогийн байдлаар тодорхой товлосон зүйл байхгүй. Тусгаарлалтын хугацаа дуусахаар бэлтгэлээ хийж байгаад тухайн үеийн байдлаас шалтгаалан цахимаар хийх эсэхээ тодорхойлно. Тоглолт хийх зөвшөөрлөө гадаадын гэрээт компаниас авсан. Одоогоор ямар нэг өөр хамтлаг дуучидтай хамтрахгүй бие даасан тоглолтоо хийнэ гэж төлөвлөж байна" гэв.

Хамтлагийн залуусын тусгаарлалтын хугацаа энэ сарын 25-нд дуусаж үргэлжлүүлэн гэрийн тусгаарлалтад орох ёстой юм.