Вакцинжуулалт дуустал Өмнөговь руу зорчих хөдөлгөөнийг зогсоох хүсэлтийг УОК-д хүргүүлжээ

Вакцинжуулалт дуустал Өмнөговь руу зорчих хөдөлгөөнийг зогсоох хүсэлтийг УОК-д хүргүүлжээ

Өмнөговь аймгийн Онцгой комиссоос улсын хэмжээнд вакцинжуулалт дуустал тус аймаг руу зорчих хөдөлгөөнийг зогсоох хүсэлтийг УОК-д хүргүүлжээ.

Уг хүсэлтэд “Улаанбаатар хотод халдварын тоо өссөөр байна. Сүүлийн 24 цагийн хугацаанд 77 тохиолдол шинээр бүртгэгджээ. 2021 оны гуравдугаар сарын 1-ний өдрөөс хойш хот хоорондын зорчигч тээврийн хөдөлгөөн эхэлсэнтэй холбогдуулан Өмнөговь аймагт хоногт дунджаар 600-650 тээврийн хэрэгслээр 2 мянга орчим иргэн зорчин ирж байгаа нь цар тахлын халдвараас хамгаалах Монгол Улсын Засгийн Газрын 2020 оны 183-р тогтоолоор зарласан “НОГООН БҮС”-ийг хэвээр хадгалахад эрсдэл үүсэж байна. Иймд аймгийн Өмнөговь аймаг руу нэвтрэх иргэдийн хөдөлгөөнийг Улсын хэмжээний вакцинжуулалтын үйл ажиллагаа дуустал түр хязгаарлах тал дээр хамтран ажиллах хүсэлтийг АОК-оос УОК-т хүргүүллээ” гэжээ.

Эх сурвалж: Өмнөговь аймгийн Онцгой комисс