Сагсан бөмбөгийн 3х3-ын эмэгтэйчүүдийн дэлхийн цуврал “FIBA 3x3 Ulaanbaatar women series-2025” тэмцээн маргааш эхэлнэ.
Монгол Улсын нийслэл Улаанбаатар хотын төв талбайд хоёр өдөр үргэлжлэх энэхүү тэмцээнд АНУ, Сингапур, Канад, Япон, Филиппин, Австри, Герман, Украин, Австрали, АНУ-ын шилдгүүдээс гадна манай улсын гурван баг оролцох юм. 12 багийг дөрвөн хэсэгт хуваах бөгөөд хэсгээс хоёр баг хасагдах шатанд өрсөлдөнө.
Энэ сарын 23-нд эхлэх ДАШТ-ий өмнөх томоохон сорилго гэдгээрээ онцлогтой тус тэмцээнд Монголын шигшээ баг “А” хэсэгт Канад, Японтой багтжээ. Харин “Улаанбаатар Амазонс”-ынхон “В” хэсэгт Филиппин, Австритай, “Амгалан U24” багийнхан АНУ, Австралитай “С” хэсэгт таарчээ. Дэлхийн цувралд оролцож буй гадаадын есөн багаас долоо нь ДАШТ-д өрсөлдөх юм.
