3х3 сагсан бөмбөгийн “Улаанбаатар эмэгтэйчүүдийн Дэлхийн цуврал” тэмцээн өчигдөр Монгол улсад эхэллээ. Сүхбаатарын талбайд болж буй тус тэмцээний шөвгийн наймд өрсөлдөх багууд тодороод байна. Тодруулбал, уг тэмцээнийг зохион байгуулж буй давуу эрхийн дагуу манай улсаас гурван баг оролцох эрх авснаас “Улаанбаатар Амазонс” баг шөвгийн наймд шалгарлаа.
“Улаанбаатар Амазонс” баг хэсгийн эхний тоглолтод Австрийн багт 17:11-ээр хожигдсон. Улмаар хэсгээсээ гарах шийдвэрлэх тоглолтод Филиппин улсын багийг 21:16-аар хожиж шилдэг наймд үлдлээ. Өнөөдөр хасагдах шатны тоглолт 16:00 цагаас эхэлнэ.“Улаанбаатар Аманзонс” баг Украйны багтай тоглохоор оноолт таарчээ. “Улаанбаатар Эмэгтэйчүүдийн дэлхийн цуврал” тэмцээний шөвгийн наймд Канад, Австрали, Герман, Украйн, Австри, АНУ, Япон болон Монголын “Улаанбаатар Аманзонс” багууд шалгарлаа.
