Өмнөговь аймгийн Гурвантэс сумын Шугшаа, Мөргөцөг, Тост, Хөв, Мод үржүүлэг хорооллуудад зургаадугаар сарын 25-ны өдөр усархаг бороо орчсны улмаас айлын гэр, хашаа, автомашин усанд автаж зарим гэрүүд урсаж, нурсан тухай дуудлагыг 16:40 цагт хүлээн авсан аж.
Тус аймгийн Онцгой байдлын газрын 67 дугаар ангийн алба хаагчдыг очиход “Тост”, “Мөргөцөг” хорооллуудад нийт 4 гэр үерт автаж нурсан, иргэн А-гийн “Приус-20” суудлын автомашин усанд автсан байсныг татаж, мөн 20 иргэн /үүнээс 12 хүүхэд/-ийг нүүлгэн шилжүүлж, баригдаж байгаа 40 айлын орон сууцны байрны зоорийн давхарт орсон усыг мотопомпоор соруулан гаргасан байна.
