Монгол Улсын Ерөнхийлөгчийн ивээл дор зохион байгуулагдаж буй “Монгол эр хүн” үндэсний III чуулган өнөөдөр /2026.03.17/ болж байна
Чуулганы үеэр ГБХНХ-ын сайд Т.Аубакир “Манай улсын хүн амын 49 хувийг эрэгтэйчүүд эзэлж байна. Гэвч эрчүүдийн эрүүл мэнд, амьдралын чанарт анхаарах шаардлага байсаар байна. 2024 оны байдлаар Монгол улсад эрэгтэй хүний дундаж наслалт 67.8 жил байхад эмэгтэй хүнийх 77.1 жил байгаа нь эрэгтэйчүүдийн дундаж наслалт ес орчим жилээр богино байгааг харуулж байна. Энэ зөрүүг бууруулахын тулд төрөөс эрэгтэйчүүдийн эрүүл мэндийг хамгаалах, хөдөлмөрийн аюулгүй байдлыг сайжруулах, урьдчилан сэргийлэх үзлэг оношилгоог нэмэгдүүлэх бодлого, арга хэмжээг шат дараатай хэрэгжүүлж байна. Манай улс 997 мянга гаруй өрхтэй бөгөөд найман хувь нь өрх толгойлсон эцэг эхтэй байна. Үүнээс 15 мянга орчим нь өрх толгойлсон эцэг байгаа юм. Хөдөлмөр эрхлэлтийн хувьд нийт ажиллах хүчний 53.5 хувь нь эрэгтэйчүүд байна. Уул уурхай, барилга, тээвэр, эрчим хүчний салбарт ажиллагсдын 75-аас дээш хувь нь эрчүүд байгаа нь эдгээр салбарт эрэгтэйчүүдийн оролцоо өндөр байгааг харуулж байна. Мөн эр хүн гэдэг нь дан ганц хүчтэй байхыг хэлэхгүй маш их хариуцлага нуруун дээр нь байдаг” хэмээн ярьлаа.
.jpg)
