Өчигдөр /2026.06.16/ цахим сүлжээнд “Дохиураар хувийн машины замаа чөлөөлөөд яваад байж болдог уу” гэх агуулгатай мэдээллийг иргэн нийтэлжээ. Цагдаагийн байгууллагаас мэдээллийг бүртгэлд авч шалгахад нэр бүхий иргэн энэ сарын 14-ний өдөр Сүхбаатар дүүргийн нутаг дэвсгэрт замын хөдөлгөөнд оролцохдоо замын тэмдэг, тэмдэглэлийн заалтыг зөрчсөнийг тогтоосон байна.
Улмаар иргэнийг Зөрчлийн тухай хуульд заасны дагуу 20.000 төгрөгөөр торгож, нэг жилийн хугацаагаар тээврийн хэрэгсэл жолоодох эрх хасах шийтгэл оногдуулжээ. Иргэд, жолооч та бүхэн замын хөдөлгөөний дүрмийг баримтлан бусдад хүндэтгэлтэй хандаж, хөдөлгөөнд соёлтой оролцохыг Цагдаагийн ерөнхий газраас анхааруулж байна.
.jpg)
