Монгол Улсад дотоодод коронавирусийн халдвар тархсантай холбоотойгоор Гамшгаас хамгаалах бүх нийтийн бэлэн байдал зарлаад байгаа билээ. Тэгвэл “Орифлэйм Монгол” ХХК-ийн зүгээс Улсын Онцгой комисс, түүний дотор онцгой байдал, мэргэжлийн хяналт, цагдаагийн байгууллага, эрүүл мэндийн салбарын хамт олонд гүнээ талархал илэрхийлэн дэмжлэг болгож 100 сая төгрөгийн хандив өргөлөө. Хандивыг ОБЕГ-ын дэд дарга, хурандаа Б.Ууганбаяр хүлээн авлаа.
“Орифлэйм Монгол” ХХК-ийн төлөөлөл “COVID-19" буюу коронавирусийн халдварын тархалт дэлхий нийтийг түгшээж байгаа энэ цаг үед иргэн тус бүр хариуцлагатай байж, халдвар хамгааллын журмаа чандлан сахиж, эв нэгдэл эерэг сэтгэлгээгээр хамтдаа даван туулцгаая” хэмээжээ.
