Коронавирусийн халдвар нэмэгдэх төлөвтэй байгаа тул энэ жилийн Улсын баяр наадмыг хойшлуулж, ирэх жил зохион байгуулах шийдвэрийг Засгийн газраас гаргасан. Гэсэн хэдий ч УОК-оос зөвшөөрөл авч, спортын тэмцээн уралдааныг үзэгчгүй зохион байгуулж болно гэж Засгийн газраас мэдэгдсэн.
Тэгвэл өнөөдөр болон маргааш/2021.08.14-2021.08.15/Говь-Алтай аймаг баяр наадмаа хийж байна.
Тодруулбал, Говь-Алтай аймгийн иргэдийн төлөөлөгчдийн хурлын тэргүүлэгчдийн тогтоол гарсан юм. Тогтоолд, “Ардын хувьсгалын 100 жил, Говь-Алтай аймаг байгуулагдсаны 98 жил, аймгийн баярыг 2021 оны 8 дугаар сарын 14-15-ны өдрүүдэд халдвар хамгааллын дэглэмийг баримтлан үзэгчгүйгээр, хаалттай зохион байгуулахыг зөвшөөрч, хорооны бүрэлдэхүүнийг баталсугай” гэжээ.
