Зуны амралт зугаалга болон найр наадмаас болж коронавирусийн тархалт орон нутгаар түлхүү тархаж байгаа ба мөн өдөрт илэрч буй тохиолдлын 35-80 хувь нь дельта вирус байгаа тул иргэдийг найр наадам зохион байгуулахгүй байж, дэглэмээ сайтар мөрдөхийг ЭМЯ-аас сануулсаар байгаа билээ.
Тэгвэл үүнтэй холбогдуулан өчигдөр /2021.08.20/ УОК-ын нарийн бичгийн дарга, дэд хурандаа Т.Баярхүү аймаг, нийслэлийн засаг дарга нарт үүрэг хүргүүлжээ. Тус мэдэгдэлд, “Өнөөдрөөс буюу 2021.08.21-ээс хойш хурдан морь уралдуулах, бөх барилдуулах зэрэг халдварын эрсдэлтэй олон нийтийг хамарсан үйл ажиллагааг зохион байгуулахгүй байхыг үүрэг болгож байна” гэсэн байна.
