Бямба гарагт буюу аравдугаар сарын 23-ны өдөр Хөвсгөл аймгийн Алаг-Эрдэнэ сумын харьяат иргэн 17 настай Т/эмэгтэй/ гэрийнхэнтэйгээ маргалдан, гараад сураггүй алга болсон талаар бид мэдээлсэн билээ. Тэгвэл аймгийн Онцгой байдлын газрын Хатгал тосгон дахь Гал түймэр унтраах, аврах 69 дүгээр ангийн алба хаагчид өчигдөр/2021.10.24/ 11.04 цагт Т-н цогцсыг тус багийн “Дамжлага бааз” гэдэг газар Хөвсгөл нуурын уснаас гарган, Цагдаагийн байгууллагад шилжүүлэн өгсөн байна. Охины нас барсан шалтгааныг тогтоохоор цагдаагийн байгууллага ажиллаж байгаа аж.
