Энэ сарын 06-нд /2021.011.06/ Өвөрхангай аймаг, Баянгол сумын нутагт 49 настай эрэгтэй Д, 50 настай эмэгтэй Ж нар иргэн Э-ын найранд очиж согтууруулах ундаа хэрэглэсэн үедээ “Портер” загварын ачааны автомашинтай Тарагт сум руу буцаж явахдаа тус айлаас зүүн зүгт 70 км-т хайрганд суусан байна. Тухайн үед 50 настай эмэгтэй Ж нь автомашинаас бууж сураггүй болсон тухай дуудлага энэ сарын 7-ны өдрийн 12:42 цагт Онцгой байдлын газарт бүртгэгджээ.
Дуудлагын дагуу тус аймгийн Онцгой байдлын газрын Эрэн хайх аврах салбарын алба хаагчид, “Өндөр-Өнт” багийн иргэдийн хамтаар эрэн хайх ажиллагааг зохион байгуулсан бөгөөд мөн өдрийн 15:40 цаг орчимд Тарагт сумын “Их булаг” багийн “Дунд гарам” гэдэг газарт осгож нас барсан байсныг олж, цогцсыг тус сумын Цагдаагийн хэсгийн төлөөлөгчид шилжүүлэн өгсөн байна.
