Өчигдөр /2021.11.18/ Нийслэлийн Чингэлтэй дүүргийн 5 дугаар хорооны нутаг дэвсгэр байрлах байрны таван давхарт иргэн Г “согтууруулах ундаа хэрэглэсэн үедээ амиа хорлоно гээд хаалгаа онгойлгохгүй байна” гэсэн дуудлагыг Онцгой байдлын алба хаагч нар хүлээн авчээ.
Тус дуудлагын дагуу Нийслэлийн аврах 105 ангийн алба хаагчид 4 км замыг туулан 20:23 цагт очиж, дээд талын айлын тагтнаас аврах олс ашиглан бууж, тус айлын цонхоор орон хаалгыг нээж, Г 38 настай, эмэгтэйг Цагдаагийн 1 дүгээр хэлтсийн шуурхай удирдлагын тасагт хүлээлгэн өгсөн байна.