Түүхэнд анх удаа Антарктид тивийн мөсөн дээр зорчигч тээврийн томоохон нисэх онгоц буулт хийлээ. “Айрбус А340” хэмээх уг онгоцыг Карлос Мирпури ахлан жолоодсон бөгөөд арваннэгдүгээр сарын 2-ны мягмар гарагт Өмнөд Африкийн Кэйптаун хотоос хөөрсөн байна.
“Айрбус А340” нисэх онгоц буух зурвасыг урдаас сайтар бэлтгэж зассан бөгөөд Олон Улсын Иргэний агаарын тээврийн стандартаар С ангилалд багтах зурвасын түвшинд хүрчээ. Хүн төрөлхтөн өнөөг хүртэл Антарктид тив рүү бага даацын хөнгөн онгоцоор нислэг үйлдэж ирсэн. “Цагаан” тивд нисэх онгоцны буудал байхгүй ч өнөөдрийн байдлаар 50 буух зурвас, хөөрөх зурвас бий. Сонирхуулахад, 1928 онд Австралийн цэргийн нисгэгч, судлаач Жорж Хуберт Вилкинс анх удаа Антарктид тивд бага даацын хөнгөн нисдэг тэргээр газардаж байжээ.
ВИДЕО:
